Hallvarðs saga.

(Begyndelsen, 238⁹ folio; Slutningen, 235 folio; alt det øvrige af Sagaen er gaaet tabt.)

Madr er nefndr Vebiorn, hann bio i Hlidum ꜳ Vestfolld i Vik austr ꜳ bæ þeim, er heitir Husabær. Hann atti konu þa er Þorny het. Segia sumir menn hana verit hafa dottur, enn sumir dotturdottur Gudbrandz kulu hersis ꜳ Upplondum. Hann var fadir Astu modur ens helga Olafs konungs ok Haralldz konungs Sigurdarsonar. Þau Vebiorn attu tvo sono, het annar Hallvardr, enn annar Ormr. Vebiorn var vinsæll madr ok audigr. Annar madr bio þadan skamt i brot er Kolbiorn het, þar heitir ꜳ Velli sem hann bio1 ………………………………………

……………………………………… var nockurum trufǫstum2 monnum i Hlidum, er hird var h[el]la hans ok þær vidiar or viði snunar, er honum hafdi [sǫ]kt verit med; ok er þat sǫgn sumra manna, at þær blom[gud]uz margan tima sidan. Enn stundu sidar var en helgi H. færdr i Oslo, ok þa enn med heilu liki, ok hvilir sidan þar i hofutkirkiu þess kaupstadar, ok vegsamadr sidan af ǫllu folki, sem verdugt er. Veitaz þar ok sva vida annarstadar fyrir (hans) verdleika ok arnardarord margfalldligir velgerningar þeim monnum, er þess bidia med rettri tru af drottni vorum Jesu Kristo, þeim er med fedr ok helgum anda lifir ok rikir einn gud i þrenningu um allar alldir verallda. Amen.

Примечания