43Grettisrímur.

1. Skil eg nu ei hve Skrimnis seims1
skelfir vili mic bidia
vekia vpp Bodnar brosmu heims;
betri er onnuʀ jdia.

2. Fordum þotti eg falka kras,
forlog kvnnv at vendazt;
sidan feck eg lygra las,
lengi mvn sa endazt.

3. Horfen giorezt at mestu mærd
mejdi fofnis bryggiv;
se eg þvi litt2 vid liotri flærd
ok langri vndirhyggiu.

4. Þvi mun hamingian hafna so
hræfa teina brioti,
gripa alla gledina fra,
en gefa honum angr j motj.

5. Hormvlega er heimvʀenn spilltr,
hygg eg þat mun standa,
margr finzt af velvm villtr
veitir3 nodrv granda.

446. Hrodvrenn skal þar hefia nv,
honvm vill engi sinna,
Asmund setti ꜳ Biargi bv;
bravt hann skiolldv stinna.

7. Fiolmenne hiellt fleina Tyʀ,
feck hann heidr ok soma,
lydum þotti logmals4 skyʀ
lestir folldar droma.

8. Seggium þotti j soknvm strangr
seima lvndr enn þydi;
hann var kendr hærvlangur
ok helt vel sina lydi.

9. Asdis het sv avdar brik,
Asmund hafdi fengit;
fyrdvm þotti hvn frænda rik,
feck hann af þvi gengi.

10. Atli nefndizt einnhver reckvʀ
arfi þeirra en þarfi,
badi5 þotti blidr ok þeckr,
bonda hollur j starfi.

11. Attv þav sier annann svein,
yngri var sa hoti;
Grettir jafnan gunnvm6 mein
giordi at fleina moti.

12. Belldinn þotti j bernskv hann
beint til orda ok verka;
Asmund hirti eckj vm þann
orfa Þvnd en merka.

13. Longum var hann j lyndi faʀ,
lek þo marga pretti7;
j vppuexti ecki knaʀ,
elskadi modir Gretti.

4514. Andlit hans var einkar fritt,
avgvn væn at lita,
harit ravtt ok hardla sitt
ꜳ hoskvm fleygi rita.

15. Dyrar atti dætr tvær
dreingr ok snotin suinna;
gofgum monnum gipti hann þær,
giorir so bokin jnna.

16. Blidr vpp at Biargi vex
briotvr orma valla;
fulla hafdi fiora ok sex
fengit nodru galla.

17. Asmund talar vid Grettj þat
„eigi seinn til ferda
vm heimgæs minar, haluren kvad,
hugsa muntv verda.“

18. Garpurenn svarar af godri slegt
glogt med mali sniollv:
„litit verk ok lodrmannlegt
lizt mier þetta at ollv.“

19. Waskvr svaradi uopna þollur,
var sa kænn vid geira,
„verttu j þessv verke hollvr,
virda skal þig meira.“

20. Lezt hann ongu lofa vm þat:
„litit kann eg vinna;“
geck j burt ok glotti at
ok geymdi fugla sinna.

21. Fimtigi voru j flocki þær,
furdu reika vida;
Grettir eftir gengit fær;
giora nv stundir lida.

22. Bagt vard sveine at safna þeim,
sin veg hver vill leita;
koma þær sialldan heilar heim;
helldur stirt kann veita.

4623. Stala Tyr, sem stendvr greint,
starfinn tok at leidaz;
kiuklingarner keifa seint,
kalli er buit at reidazt.

24. For so enn at farandi8 lydr
fugla hitti davda;
Asmund gerdizt eigi þydr,
orkar9 sligt til nauda.

25. Asmundi vard vndra leitt,
audinn tok at þverra,
„hefir þinn glopur gæsnar meitt,
giorir þu jllt ok verra.“

26. Visu kvad þa uopna Þvndr
ok villdi þannig greina:
„halsinn þeira hristig sundr,
hirde eg litt vm eina.“

27. „Skalttv ei leingr skerda þær,“
skyfer taladj randa10,
„annat verkit verra fær,
vaskr lundur branda11.“

28. „Hier mvn verda at hætta ꜳ
hristir vænna glofa,
þann ma seia fleira fra
er fyser mart at profa.“

29. Bondinn seier, þa komit er kvelld
ok kvinnr lata rivka:
„bofinn skal mitt bak vid elld
badvm hondvm strivka.

30. Helldr giorazt nv uerken vond,
vopna lundr enn diarfe.“
„Vist er þetta varmt vm hond
ok vesalla manna starfi.“

4731. Optazt feck af elldi mak
alma Tyr en hardi;
Fafnir strykvr fodur sins bak
fast ok litit12 spardi.

32. Hier kom enn at hausta tekur,
halurenn mun þat finna;
kappa næsta kladinn vekur,
hann kallcar13 þa vid Linna.

33. „Vomurenn skalttv vỏttv slens
uislega af þer leggia;“
briotr kuad sig brima fens
bernskv rad at eggia.

34. Kall toc helldr at klora sier,
kominn var elldi næri;
„alldre er dvggan dvgr j þier,
dvelvr þu meir enn bæri.“

35. Ullar kamba14 Avglir sa
eigi litla standa;
halnvm færdi herdar ꜳ;
horfezt nv til vanda.

36. Eptir bakenv orfa meidur
ofan let kambin ganga;
bondin stock vpp bysna reidr,
bad sinn arfa fanga.

37. Asmund greip vm storan staf,
stefnde þegar at Gretti15;
halvren feck þaʀ ecki af,
vndan fra eg hann settj.

38. Hvstrv kom til fyrda fliott
ok frette vm leiken þenna;
Fafnir ancar16 furdv skiott:
„fadir minn vill mic brenna.

4839. Stundum fær af starfa last
styfir vnda skessv17;
karle þottj eg klora fast,
kvnni hann jlla þessu.“

40. Brvdren talar vid blidan svein,
bles þa en af mode:
„finzt eigi med þier forsia nein,
frændi minn en gỏdi.“

41. Fatt var helldr vm fedga tal,
fleira þvrtj at jnna;
garpurenn seiir at Grettir skal
geyma hrossa sinna.

42. „Hross er eitt,“ ed hetian kvad,
hirti sagdi varga,
„Kengalv ver kỏllvm þat,
kosti hefir hvn marga.

43. Kengala er so vm vedvren vis,
hvn veit firi hrider sterkar,
hier firi skulv henni hallda pris
holda kindir18 merkar.

44. Hleypur hvn snemma heim af jord,
hordvm vedrvm kvidir,
bragnar mega þa byrgia hiord,
bresta eigi hridir.“

45. Blidr ancar bavga Tyʀ,
bar sa sverd at vndvm;
„brvgdiz hafa þo, bonden skyr,
betri vonir stvndum.

46. Varttu fyr vid vopna hark
ok villdir morgv spilla;
hver sem tecr ꜳ merinni mark,
mvn þat reynazt jlla.“

4947. Þann veg endizt þeira tal,
þegnvm líkar varla;
lyk eg aptvr lioda sal,
læt eg rimv falla.

1. Oʀda val j odar sal vill nv eigi vaxa,
sidan gædir gridar faxa
gerdi at talga eydi saxa.

2. Veiga gatt med vizkv matt kann at veita soma,
þat hefir ordit fyr at froma
frægvm riodi ylgiar bloma.

3. Barv þeir firi bavga Eir beiskan kvida,
hefir þat dreifzt vm heiminn vida,
hardla seint mvn þetta lida.

4. Lysig fatt j litlvm þatt af lindi hnossa,
seivm helldr af barv blossa
briot er19 for at geyma hrossa.

5. Hrossin rak ok hrepti ei mak halurenn mætvr,
kappinn bar opt kallda fætvr,
Keingala stod ꜳ altt til nætvr.

6. Ofner vituʀ vti sitr eigi hræddr,
furdu litt var Fofnir klæddr,
ferliga var hann af kvlda mæddr.

7. Þydur dreingr ef þann veg geingr þeinkir ꜳ,
maklig giolld skal merinne fa,
mætti vera hann giordi svo.

8. Morginn einn enn mæti sveinn er miog var kallt,
klæda lanit vard þa vallt,
vislega tok hann radit sniallt.

9. I hesta hvs kom hetian fvs hreysti vendr
Keingala firi stalli stendr,
stvndum er hann vid hvecki kendr.

5010. Bavga Tyr ste blidvr ok hyr ꜳ bakit ꜳ henni,
nvassann fra eg hann hnifenn spenni,
hans20 er von at meren kennj.

11. Herdar skar med hnifi þar sem hardazt fær,
bvrtv hud af bakenv flær,
benia tok at renna sær.

12. Vakrinn21 feck af vænvm reck voda skeinv,
bakleingiv flær aptr j einv
allt ꜳ lend med jarni hreinv.

13. Brazt hun vidvr so bondans nidr af bakenv datt,
beit hun þegar ok bardi hratt,
bauga Tyr ꜳ fætr spratt.

14. Vpp ꜳ hals rak eydir stals alla klara,
bleikala ecke beit en sara,
blodit rennr ofan ꜳ nara.

15. Brosti hinn er brogdin vinnvr beitir rita,
hvn vill æ til baksins bita;
bondi mvn sinn arfa vita.

16. Dregr vpp mock en merin stock þvi miog var kallt
heim ꜳ leid til hvssins allt;
hrodrar mvn þvi avkazt mallt.

17. Bragda mann red byrgia rann ok beiglar heim;
hvstrv fagnar halnvm þeim,
hefzt nv tal med fedgvm tveim.

18. Hetian kyrr at hrossvm spyrr: „þu herm þat Linne“;
Auglir svarar en orda suinnj:
„ỏll erv byrgd j hvsi jnne.“

19. „Byrgit hiord,“ kvad bavga Niordr ok bidr ei fresta,
sveigir taladi siglv hesta:
„sizt mvn oss nv hridin bresta.“

5120. Bondans rad vid bezta dad er bragnar hallda,
byrgia savdi briotar skiallda;
bvrtv lidr natten kallda.

21. Biart var vedr þat bragna gledr, en bondans arfi
var þa sen at sinv starfi,
sveinnenn toc þa hross en diarfi.

22. For þvi nær sem fyra gær j frosti hỏrdv,
hrossin ganga heim af jordv,
hefr hann ꜳ þeim sterka vordv.

23. Margar nætr mygir lætr mens enn svinni
byrgia hiord j hvsvm jnne;
hriden kom þo ecki at sinne.

24. Kappinn for med kesiv Þor til kapla sinna,
vill nu hvgsa vm verkin Linna,
verdr sligt so giorla jnna.

25. A fakvm helldr Feniv melldrs fleygir sinvm:
„holld eru engi a hrossvm minvm,
hygg ek slikt af voldvm þinvm.“

26. Miog so geingur enn mæti dreingr at modr hesta:
„eigi mvnv þier bakholld22 bresta,
ber þv þol yfir kapla flesta.“

27. Randa Tyr fra eg roskr ok skyr at reidi kenni,
bakleingian var bvrt af henni,
bavga fra eg þat lita spenni.

28. Geira meidr geysi reidr Gretti sagdi:
„þv munt þessv bella bragdi;“
brosti hinn j mot ok þagdi.

29. Angur feck af vngvm reck alma Tyr;
hetian þegar til hvsa snyr,
hvstrv fagnar bonda skyr.

5230. „Seg þv til,“ kvad seima Bil, „sveigir branda,
hvort at ganga verk at vanda
veitis23 ravdra orma sanda.“

31. Wisu kvad ok villdi þat so24 vifi jnna:
„batnar sizt vm brogdin Linna,
belling skal nv eckj vinna.

32. Hafa skal þann enn heimski mann,“ kvad hrister fleina,
„visliga allann verre beina,
virda ma þat engi meina.“

33. Gargan stod hia geira riod ok gullhlads25 selia:
„þa skal engi ꜳ annann telia,
ecki giora mic verk at dvelia.“

34. Lidr stund en laufa Þvndr er lỏngvm far,
dreingivm þottj hann digr ok har,
Drakon giordiz fvrdv knar.26

35. Skil eg nv þat er skalldit kvad af skrymj letra,
eydir var þa orma setra
ordin fvllra þrettan vetra.

36. Vngir menn er aller senn þar efla leika,
ætleg burt ꜳ jsenn27 bleika
orfva meidar giordu at reika.

37. Kappa val ur Vididal ok vænar sueitir
vikia ok þangad, er Vestrhop28 heitir,
vorv allir gvnnar29 teitir.

38. Atle var med Augle þar ok ytar fleire,
holdar beita hvossvm geire,
hetivr finnazt valla meire.

5339. Avdvn het sa yta let firi eggium falla,
sa bar afl yfir seggi snialla
sveina j leiknvm þessa alla.

40. Garpuren bar yfir gunna þar sem gengv frettir,
arvm morgvm ellre enn Grettir;
ytvm beittj frænings stettir.

41. Grettir hlaut, sa er giarn j þravt, vid garp at leika;
seggir giordv saman at reika;
sa mun afla vargi steika.

42. Hnatt tre tok sa hreysti jok ok hnottin slo,
geyse snart yfir Gretti flo,
getit er hann mvni reidazt þo.

43. Afrekx mann at epter rann er þa reidr,
þrifvr hnottin malma meidr,
miog so var hann j ferdvm greidr.

44. Hyg eg rett, sem hafi þier frett, at heiptar kenni;
færdi hann hnottinn framan j enne;
fell þa blod af orfa spennj.

45. Audvn vill, þvi efnj eru jll, til30 Auglis sla;
vndir hoggit hliop hann þa;
horfa flestir leikinn ꜳ.

46. Giordiz bratt vid grimdar matt sv gliman hord;
oflin31 vorv eigi spord,
Avdvn sotti bavga vord.

47. Leikuren hardr32 litt var spardr af lvndi sverda,
ferlega toku fang at herda,
falla mun þo annar verda.

48. Lengir þravt, en Linne hlavt firi lesti at falla
hardla modvr Hafla spialla,
hygg eg Atla lika valla.

5449. Garpren villdi giarn j hilldj Gretti meida;
briotr giordi benia seida
bragna þegar j svndr leida.

50. Bessi villdi at briotar skylldu bellings sveita
sidan allir sattir heita,
seggir giordv heim at leita.

51. Nefnum hinn er hreysti vinnr ok hrotta beitir,
Þorkell krafla þegninn heitir,
þessi hefir þar godord vm sveitir.

52. Fædir vargs er for til Biargs med fyrda svinna,
virdar hafa þar veizslu stinna,
villdi hann giarna mag sinn finna.

53. Holda gledr þar heidri medr horna Vina;
þegnar tala vm þingreid sina,
þvrfti slikt so giorla at tina.

54. „Atla lat,“ seiir olldin kat, „med ytvm rida,
halvrinn ma þa heima bida,
hann mvn verda frægr vida.“

55. „Avgler ma,“ kvad eyder þa, „med vmsia þinne
hallda upp svorum af hendi minni,“
Hrimnis tals, „med vizkv sinni.“

56. Bavga Tyr for blidvr ok skyr med beiti sverda;
Þorkell var þa fus til ferda,
frægir magar skilia verda.

57. Þorkell reid sem liggur leid fra lesti teina33;
svinnr hafdi sveigir fleina
sextigi manz ok tuttugu eina.

58. Kappa sveit med kurteis heit koma til vida;
Tvidægru vill traustr rida
tiorgv hlynvʀ med recka frida.

59. Ei skal leingr eflazt fengr asa tiggia;
ꜳ Hellisfitivm holdar þiggia
hoskir nad ok foru at liggia.

1. Fʀarids34 skal nv færa af stad
fvndenn rett sem hetian bad;
vanda ek ecki ꜳ visvm hatt,
verdr þar til orda fatt.

2. Mvn ek þvi ecki mansong sla
merkeliga firi hringa Na,
þviat en kæna kogra Hlock
kvnna mvn þess litla þock.

3. Mæla þetta enu mætu vif,
mekta sitt med elsku lif,
ma sa engi mannsong sla,
mest er horfinn æskv fra.

4. Vakta eg ecki vm Venris lat,
vifin kann at frygda kat;
greinvm helldr Gretti af,
gorpvm veitti Idia skraf.

5. Waknar hann ok virda sveit,
villdi sidan fara j leit,
hestvm sinum hyggia at;
hversv mvn þeim veita þat.

6. Garprinn fann sinn giarda hrein,
giorazt ma nv af þvi mein;
vnder kvidnvm sodvlinn sa;
seggvrenn villdi faknvm na.

7. Sidan rettj sỏdvlinn þann,
sier nv þegar en vaske mann
vista malvrinn var þa bvrt;
vida landz var þetta spvrt.

8.35 Leita for hann þegar j stad
linna jardar langan dag
litt vill honvm nv ganga j hag
halin sa hann þar hlavpa at.

569. „Skeggia kalla skatnar mic,
skiala eg ecki mart vid þig;
Þorkels bonda þingmann einn,
þikir eg ei til viga seinn.“

10. Hristir sagdi hilldar blyss:
„hefir eg næsta fengit slys;
kall hefeʀ litit krasa val,
kynliga feck eg skilizt vid mal.“

11. Ofnir kvad þat ærv brest:
„eindæmi ma kalla vest;
tyndr er einn veg malurinn minn,
ma sligt varazt j anad sinn.

12. Leggivm saman ok leitvm tueir;“
36lofdaʀ foru vida37 þeir,
skyniar vm þat skiallda vidr38,
Skegge lavt j monvm nidr.

13. „Fantv nockut felagin godr;“
fleina svarade þannig riodr:
„flyta skal egh ok fara hest,
fundit er mitt leidar nest.“

14. „Leggþu nidr ok lat mik sia,
litvm sidan badir ꜳ,“
mætr sagdi meidir gerda,
„mart kann odrv ligt at verda.“

15. Briotr sagdi39 barv ess
bragna eigi þvrfa þess,
„ætla eg rett firi allt þitt skraf,
ecki skalttv fa hier af.“

16. Grettir þangat gengr at,
gaf sier ecki Skeggi vm þat;
hier kom enn þeir helldvzt ꜳ,
hvorgi villdi odrvm fa.

5717. Skiallda gygi Skeggi þrifvr,
skotnvm þotti hann eigi svifr;
hondum badum hio til40 Linna,
honvm mvn þetta litit vinna.

18. Aoxar skaptit Ogliʀ greip,
er sa kæn vid Hogna sveip;
optazt var honum aflit travst,
en vard41 Skeggi at lata lavst.

19. Sidan hoggvr seima vidr,
seggnvm trveg at minnkezt fridr,
oxin klyfr heila havdr,
hinn la þegar ꜳ jordv daudr.

20. Skilst hann þar vit heimskan hal,
hestin toc ok vista mal;
reid hann þa ok fyrda fann,
frettv þeir at Skeggia hann.

21. „Hliop at Skeggia hamar troll eitt,
hardara þvrtj eigi neitt,
garpsens sneid þat heila helli,
hann42 la þegar daudr ꜳ velli.“

22. „Undarleg vard atferd slik,“
annzar þann veg þiodin rik,
„travtt er þetta trolla plag
at taka so menn vm liosan dag.“

23. „Onnur mvnv hier efnj j,“
anzar Þorkell bondi43 þvi,
„Grettir longum girnezt jllt,
garpsens hefer hann lifi spillt.“

24. Svinnr greindi seima Þor
seggivm allt hve med þeim for;
Þorkell vard nv þeygi styggr,
þanneg taladi menia Yggvr.

5825. „Bæta skal eg firi laufa lund
ok leggia ꜳ þat alla stvnd,“
sveigir mælti sofnis lada,
„sekt þinni ma eg eckj rada.“

26. Ravsnar madrenn reid ꜳ þing,
ravn miog var honum dadin kring;
bætti vig firi bavga meid,
bondinn riki aptr reid.

27. Fofnir skylldi fvs j þravt
fara sekvr af landi braut
varla midr enn vetrna þria;
vill so domrenn falla ꜳ.

28. Her skal fyri herma þat
enn hofdingiarneʀ skildvzt at,
gilldan hof þa Grettir stein;
geysi micit var folldar bein.

29. Ytar lofvdv afrex mann,
ollvm fanzt þa mikit vm hann;
vendv sidan virdar heim,
verdr þannen skilt med þeim.

30. Haflidi nefnezt hiorfa Tyr,
helldr syndizt bondi skyr,
at Reydarfelli reckurenn bio,
randir opt med skioma hio.

31. I Hvitar osi Haflidi ꜳ
hlunna44 dyr ok varning45 hia;
styris biorn vm streingium flaut;
styrimadr vill hallda j braut.

32. Asmund kom þar Avgli j skip,
ecki var hann med blidv svip,
kappa feck hann kost vm haf,
komst þar eigi med meira af.

5933. Grettir nv fra Biargi byzt,
bavga Tyr til ferdar snyzt;
Avglir bad sier Asmund fa
eitthvert vopn at hallda ꜳ.

34. Hinn kvad onga þorf ꜳ þvi,
þegnin sagdi hier firi nj;
faliga kvaddi hann fleina meid,
for þa Grettir sina leid.

35. Asdis fylgir arfa sin,
okat var þa bavga Hlin,
„fatæklig er ferdin þin,
fær þv ecki af avdi46 min.

36. Gefa vil eg þier Gillings elld,
glæstan snidr Hogna felld,
hvergi gefr j hoggi stad,
ef hraustir kappar reida þat.

37. Fyrre bar þat47 fleina vidr,
fyrda lagdi at jordv nidr,
Jokvll en fræknj frændi þinn;
fær eigi betra hiallta linn.“

38. Grettir tok þa gladr vid hior,
ganga kvad hann sier næsta j kior:
„betra er þetta enn barv glædr;“
blidliga þackar sinni mædr.

39. Svanenn skilst vid sveinen hrygg,
seima þollin fogr ok dygg;
vitiar heim enn vopna rvdr
vende þadan ꜳ heidar svdvr.

40. Haflidi fagnar hringa meid,
hofdv þeir sig vt a skeid;
lofdar þegar at lægi gaf
logdv skipinv vt ꜳ haf.

6041. Undir bati bavga vidr
byzt hann vm ok lagdizt nidr;
þegninn vill eigi þiona neitt,
þat var monnum vndra leitt.

42. Bardr hiet þar bvczu48 sveinn,
beztr var sa skipmann einn;
væna atti veiga Gna,
var þa engj fegri enn sia.

43. Ytar helldv vt vm fles
ok so svdr firi Reykianes;
gylfrit vex enn godligt flavstr
geck þa snart vm landit austr.

44. Æ þui vex en ægis hreinn
eigi þotti j ferdvm seinn;
kiolren snidr kolgv bla,
kappar hvergi landit sia.

45. Hier næst fa þeir hardan rett,
holdvm vanzt nv eigi slett;
olldin flest j avstri stendr,
ytar verda at reyna hendr.

46. Skipit er legt49 en vedrit vott,
vard þvi folkit hardla mot50;
gonsvdr51 ecki giordizt52 hægr,
gengr þetta nockvr dægr.

47. Fyrdar tolvdu Fofni vid,
flestir badv hann syna lid,
„kempan þickizt þv fvrdv from,
frem þv nv þinn skipmanzdom.“

48. Grettir svarar ok glotti at:
„geysi vel ma kalla þat,
þo at krypplingvm kneppist53 fingr;“
kvidlingvnvm hann at þeim stingr.

6149. Austmenn verda jlla vid:
„er þier betra at klappa vm kvid
kvinnv Bardar, kogra meidr,
ok kysa hana med litin heidr.“

50. Haflidi talar vid Gretti gladr:
„gack til austrar listar madr
fyrr en sockvi siofar nadr;“
seggrinn var til þessa hradr.

51. Wirda spyr hvad vinna skal,
vard þa ecki mart vm tal;
„dyf þu byttvm darra vidr;“
dreingrin for j austurinn nidr.

52. Reckar fa til roskan mann,
reyna skylldi sig vit hann;
þessi en gilldi geira riodr
geck fra avstri ok var þa modr.

53. Þvi næst fara til þegnar tveir,
þreyttir fra eg at væri þeir;
foru þa til fiorir senn,
flestir voru kaskir menn.

54. Ytar falla avstri fra,
einn veg skildizt hann vid þa;
alma spillir eys vid sey,
vpp var avsit þeira fley.

55. Hier næst kemr blidr byr,
bvzan stod þa varla kyrr;
sigldv gladir vm sildar heim,
samþyckit var gott med þeim.

56. Dreingir lofvdv Drakon mest,
dvgdi hann j þravtvm bezt;
at Svnnmæri seggi bar,
sa þeir54 ey firi stafne þar.

6257. Ytar fengv ædi vedr,
ylmazt toc þa styriar bedvr,
skodda myrk en skerjott var,
skeidin vard at brottna þar.

58. Eigi var þa olldin kat,
aller fengv komizt j bat,
flvttvzt bratt af fiska lad,
fengv sidan landi nad.

59. Seggir helldv svdr j land,
Seliv var þar eptir band;
Gvnnladar taki þier goma55 la,
ganga ætla eg þannveg fra.

1. Blidri ma eg eigi bavga56 norn
bellings eikiv færa;
mitt er horfit hrodrar korn,
hvat giorir slikt at kæra.

2. Feck eg nockvrn fræda part
fyrr j æskv minne;
þann hefir grimmuzt gygiar art
gripid med jllzkv sinne.

3. Horfen giorvzt eg heime vr,
hrygdin at mier kallaʀ,
þvi hinv stæstv stolltar frvr
styggiazt vid mig allaʀ.

4. Venus gaf þat efnit eitt
eydi frænings hlvnna;
þeim fa brvdir betra veitt,
blidv heimsens kvnna.

5. Ei þvrtj at vndra sligt
eydir savdvngs spialla,
þo heidrs menn ok hoffolk rikt
hatiz vid gamla kalla.

636. Enn þo lydrinn leiti svidr
lavfa lvnd57 at pretta,
engi skylldi orfa vidr
angra sic firi þetta.

7. Hvgsa ma þat hoskvr ok framr
hristeʀ ægis brika,
at sa en hæsti hlyrna gramvr
hann giorir alla58 lika.

8. Þar skal Dains ed frida fley
færa ꜳ mærdar stettir.
Þa var kominn j Aramarsey
afrex madrenn Grettir.

9. Þorfinnr atti Þvndar frv,
þyda hellt hann dreingi,
reckvrinn hafdi ravsnar bv,
red sa eynne lengi.

10. Gilldr bydr Gretti heim
greidir fetla linna;
var þa59 fatt med virdvm þeim;
villdi hann litit vinna.

11. Fyre60 bio þar fadir hans Kar,
fyrda lagdi vndir;
Grettir var vid gvna61 far;
giora nv lida stvndir.

12. Eydir giordi Onars62 mey
elda brims at kanna;
Grettir jafnan geck vm ey,
giarn til smæri ranna63.

13. Bondi nockur bio þar nær,
bragnar Avdvn kalla,
ꜳ Vindheimvm var vondr bær,
var hann þar dagana alla.

6414. Geta skal þess er gvnnvm þeim
giordi kært j ordvm;
seggrinn kom þar silla heim,
satv menn yfir bordvm.

15. Eitthvert kvelld sem Ofnir sid
ætladi heim at renna,
leit hann elld hia laxa hlid
lagt ꜳ nesinv brenna.

16. Grettir spurdi Audvn at
ellris miclum voda;
„gef þier ecki64 garpr vm þat,
gack þv heim til nada.“

17. Avglir kvezt þat ætla helldr —
„under rotaʀ grandi
mundi finazt Feniv melldr
fagr ꜳ voru landj.“

18. „Stentr ꜳ nesinv havgrinn har,
hvergi fiare midiv,
get eg hann byggi en gamlj Kar,
er galldra kvni jdiv.“

19. Avdvn seiir at engi mvn
yta þangat leita,
en þo holdar hafi ꜳ grvn
hirdi hann bauga65 sveita.

20. „Attj Kar (sem jnnti66 eg fyr)
einvm gardi at rada,
hans hefir grimmr galldra styr
gorpum komit j voda.

21. Geck sa aptr ok gvnna drap
galldra kall hin leidi,
ytar fengv avra tap67
firi jllvm bavga meidi.

6522. Rikare er nv seggivm sion,“
kvad sveigir bryniv flagda,
„alla hefir hann Odins kvon
vndir son sinn lagda.

23. Enn þo silla setj vm land
seggir Þorfinz sniallir,
engvm vinnvr avlinn grand;
eru j nadum aller.“

24. „Eg skal hitta enn harda dravg,
er helldr greipar svelli;
badir skvlv vid bofans havg
briota nidr at velli.“

25. Avdvn bidr eigi fara þvi fram
fleygi eisv brvnna:
„Þorfinnr mvn þegnvm skam
firi þetta verkit kunna.“

26. Grettir kvezt þar gefa vm fatt,
giarn ꜳ fagrar dadir68:
„finvzt69 þegar at faren er natt
ok forvm til havgsins badir.“

27. Mættvzt þeir at mornj dags
ok mintvzt orda sinna;
Grettir feck þa grvndar sax
ok giorir nv havgin vinna.

28. Grefr hann lengi græna fold,
griot var vndir vida,
trvliga rvddi hann torfi ok mold;
tecvr nv dagr at lida.

29. Vasklega feck at vidunvm sott
veitir hardra spanga70;
kappinn vill þo komin sie nott
kaskr j havginn ganga.

6630. Avdvn bidr eigi fara þvi fram
fleygi grafnings71 hlida:
„gack þv ecki j galldra rann,
giorvm til morgvns bida.“

31. „Seggvrinn skalttv svinnr ok knar
sitia ok geyma festi;
fvs er eg72 at finna Kar,
fvll vel plagar hann gesti.“

32. I galldra skolan girntizt hann,
giarn at leita at bavgi;
dolg ꜳ stoli digran fann,
davn var jllr j havgi.

33. Fiplaʀ hann vm folann þa,
er flesta kvnni huecke;
so var myrt at matti sia
meidir rita ecki.

34. Hetian vida vm havginn for
hia hiorva leidvm Vlli;
hitti sidan hestbein stor
ok hrvgv micla af gvlli.

35. Bar til festar bavga raptr
biartan Dravpnis sveita;
dregr sic þegar at dravgnvm aptr,
diarfliga for at leita.

36. Kempan storann kistil fann,
Kar73 stod vndir fotum;
Grettir red at gripa hann,
grimmr at fleina motum.

37. Ætlar þegar at bera j bravt
briotr hardra randa;
fyrr mvn kappin koma j þravt
ok kenna styrkra handa.

6738. Þa var gripinn med grimdar hot
Grettir fast af dravgi,
reckrinn vard at rada j mot;
rimman ox j havgi.

39. Greplega var sv gliman hord,
giorir nv sokn so langa;
oflin voru eigi spord;
vpp vard flest at ganga.

40. Klypti hann vida kappans hold,
kann þat helldr at blana;
lokrinn stigr74 langt j molld,
leikrinn tok at grana.

41. Hefir þann Grettir hyggiv stein,
hrædazt kvnni valla;
þa vard Kar vm klarsens bein
kynia leidr at falla.

42. Hark var micid at heyra þa,
havgbven fallit attj,
Avdvn hleypr festi fra,
for sem hardazt mattj.

43. Garprinn liggr gavrnvm ꜳ,
giarn var sa til viga,
linda kerti Linni bra
ok let ꜳ halsinn hniga.

44. Some hatt j svira gall,
sverdit þionar flagdi;
ennis75 tok þa af honum stall
ok aptr at þionum lagdi.

45. Bar til festar frænings havdr
falv sotu76 lestir,
fann þa skiott at bondin blavdr
j bvrtv var fra festi.

6846. Halvren kom77 so havgnvm vr,
halar vpp streinginn harda;
flvtti med sier fafnis mvr
frækinn lvndr barda.

47. Þegnin kom til Þorfinz heim,
þa sat hann yfir bordvm;
beint var ecki blitt med þeim,
bondi er stygvr j ordvm.

48. Eyder lætr Idia78 tal
vpp ꜳ bordit falla
jrpv sotu79; avra val
ei ma litit kalla.

49. Blidkazt hinn at brima hle
ꜳ bordi litr standa:
„hver ꜳ þetta hit fagra fe,
þv færir oss til handa?“

50. Svaradi hinn ed syndizt blaʀ,
sa var hardr j pinvm,
„þat hefer fianden fadir þinn Kar
fylt80 j havgi sinvm.“

51. Sidaz tok hann saxit eitt,
seggvr hin81 nadi af flagdi,
borit var ecki betra neitt,
ꜳ bord firi Þorfinn lagdj.

52. Visv kvad ok veik so at
veitir gylldra spanga:
„alldri skylldi ef ætti eg þat,
oss firr82 hendi ganga.“

53. „Eigi fær þv ættgrip minn,“
anzar bondi þessv,
„fyrr en reyni eg roskleik þinn
reckur at odda messu.“

6954. „Þeygi veit hver þvrfa ma83
þegar en stundir lida;“
bondi geymdi bavga þa
bædi ok saxit frida.

55. Geck til sætis garpvren stirdr
ok giordi litit drecka,
af monnum var hann þa meira virdr,
ok mælti fatt vid recka.

56. Hitt er skyltt at herma nv
(ef halnvm væri ei bannat),
j Eilifsfirdj84 bvrdvgt bv
bondin attj annat.

57. Þar vill dreingrenn drecka jol,
dyra hellt hann sveina,
seggren let ꜳ sildar bol85
setia feriv eina.

58. Þriatigi menn at bondi byr,
bodsmenn voru sotter;
hans var kvinna heima skyr
ok hennar frida dottir.

59. Grettir var med gullhlads Gna86
ok giordi fatt til þarfa;
fliodit hafdi fimm ok þria
frækna menn til starfa.

60. Bondi hiellt j bvrtv gladr,
bratt mvn avkazt vandj;
seggir letv svnda nadr
svifa jnn at landi.

61. Halren veittj horna flod
holda sveit med prydj;
veglig firi þeim veitzlan stod,
var hann þvi gladvr vid lydi.

7062. Þorfinnr gaf þydr ok or
þegnvm ægis brima;
likar mier þo lyngva knor
losnj j svndr vm tima.

1. Angrit dvelr mik arla87 ok sid,
er þvi mest at vonvm,
eigi byggizt ormvangs88 hlid
vpp af fornvm sponvm.

2. Þat var fyr at hrepta eg helldr
hylli dyrra segia;
nv er þat hardr heiptar elldr,
holdar ꜳ mic leggia.

3. Hallazt af þeim heidr ok megt,
er hverfa nodrv grvndir;
nv hefig lopz j langri sekt
longvm verit vm stvndir.

4. Virdar efldu89 vopna skak
ok velltv90 silki grvndir;
lvna hefir ok lindar þak
longvm komit þeim vndir.

5. Heimrenn misiafnt holdvm tier,
hefir þat stadit so lengi;
finn eg91 rett at92 folnar mier
fyrda spect ok gengi.

6. Odar hefeg ecki par
att j Gneipar vindi;
greinvm hitt at Grettir var
goins hia bediar lindi.

7. Geck sa vt er gylfri tafn
giordi opt at veita,
fridan leit hann flædar hrafn
framan at landi beita.

718. Halurinn leit ꜳ Hækings jord,
hann vill vti bida,
þar var skiolldvm skipad vm bord93,
skipit var steint so vida.

9. Letu þeir at landi fley
ok logdv inn til navsta,
trvdar stvckv tolf ꜳ ey;
tel eg þa alla hravsta.

10. Briota vpp navst en barv vt
bondans karfa fridan,
flvttv skeid af fiska lvt
ok færdv j hvsit sidan.

11. Ofnir gengr ofan at hle,
yta heilsar rika,
fretti þegar hver firi þeim se;
„fyrda sa eg ei slika.“

12. „Þorir er eg af þegnvm kendr,
þavmb er flestir kalla;
bar eg þar longvm blodgar hendr,
er bragnar vrdv at falla.

13. Avgmvnd er minn lifri langr,
læzt hann fæstv kvida;
brestr oss eigi berserksgangr94,
bilv vid alldri at strida.

14. Er nv bondin heima hier?,
hann villdv ver finna;
ætti hann næsta jllt at mier,
ef þat mætti vinna.“

15. Hetian bvrt med holdvm for —
„helldr fatt er manna,
heima er nv hvstrv vor
hier med vngvm svanna.

7216. Vær skulum sitia saman vm jol,
firi seggivm vil eg þat greida;
vantar eigi orma bol
ok allt þat vili þier beida.

17. Hamingian mvn ydvr heidra mest,
þo holdar vili þat banna;
kappar mega nv kiosa vm flest,
komi þier heim til svanna.“

18. Gengv þeir ꜳ gardinn heim
ok giordu jnn at vitia;
faliga vaʀ þa fagnat þeim,
fliod j stofvnne sitia.

19. Fræning bidr at fallda skord
fylgi vilia sinvm:
„tigin skalttv tvinna jord
taka vid gestum þinvm.

20. Brædr rioda benia kolf
ok bioda morgvm otta,
Þorir bondi ok þessir tolf
þic hafa heim vm sotta.“

21. Hvstrv giorir med harmi senn
halnvm95 at anza sniollvm:
„veit eg enga verre menn
vera j Noregi ollvm.“

22. „Heidrs kvinnan, hvgsa vm þat
sem hamingian kann at veita;
byzt hann ydr j bonda stad,
ber þier eigi at neita.

23. Gior þier katt j Gridar þey,
gæfan mvn þic hefia;
Avgmundr vill ydra mey
arme sinvm vefia.“

7324. Angvrit bitr ꜳgætt vif,
anzar dygdvg kvinna:
„fyre96 vil eg lata lif
enn liotvm þiofvm sinna.

25. Illskan þic til orda hvetr,
er þat fiare sanne;
bondin gaf þier bravd j vetur
beint sem frialsvm mannj.“

26. „Saka þv eigi seima briot,
Sagan iotna roma;
gongvm helldr gestum mot,
ok giorum þeim allann soma.

27. Eigi dvga nv ordin klok,“
kvad eydir grafnings stræta;
vopn ok klædi af virdvm tok
ok villdi sialfr gæta.

28. Seggivm skipar hann sætin j,
sa kann blitt at lata;
fliodin stvckv fram j þvi,
flestar tocv at grata.

29. Kappinn lætr kost ok ol
koma ꜳ bord firi sveina;
þar er nog a97 vistvm vol,
varla skortir beina.

30. Ecki vætta brognvm brast,
bar hann þeim hornen storv,
sveinar98 tokv at svelgia fast;
sanlega þystir voru.

31. Grettir einn var gvnnvm nær
ok giordi alla kata;
þegar at olit a fola fær,
ferliga taca at lata.

7432. Flotnar druckv fram a natt,
fæstir þangat vitia;
glopar tocv at grenia hatt
ok giora eigi kyrrir sitia.

33. Gotna fretti Grvndar hængr,
giarn j styre voda:
„vili þier bondi vitia sængr,
vifin skulv ydr nada.“

34. Folinn sagdi firdr dad,
flestv þotti megna:
„þv skalt hafa firi þegnvm rad,
þat mvn likazt gegna.“

35. Gengr fram ok giordi99 j stad
grvndir seims at kalla:
„hvilum mega þær100 hallazt ad,
ed holda uilia spialla.“

36. Herda toku101 þa hrygdar klvt
hringa nornir þenna;
Grettir med þeim gengr vt
ok giorir nu mart at senna.

37. Grettir talar vid geira Ull,
grimligt þotti hans ædi:
„ydr skal syna silfr ok gull,
sialig vopn ok klædi.“

38. Kappar fvndv klæda bvr,
kænir voru til viga;
hitta ma þar hraunþveings mur,
hatt er upp at stiga.

39. Lavk hann vpp ok let þa jnn,
leikr er mikill ꜳ sveinvm,
syna ma þar safala ok skinn
sett med dyrvm steinvm.

7540. Hafa þeir102 lios ok hvgsa vm,
hirzlvm lvka morgvm,
ærit syndizt skratta skrvm
skræfum þessvm orgum.

41. Grettir lætr gilling aptr
ok giordi at læsa sidan;
kom til bæiarens kesiv raptr
ok kallar svanna fridann.

42. „Vifit103, fa þv vopnin god
vig glaz þinga stefne,
vikingvnvm skal vekia blod,
veidar eru hier efni.“

43. Brvdren qvad hia bondans sæng
bryniv eina liggia,
ok þann104 frida fetla hæng,
„fyr villdir þv þiggia.

44. Kelli taktv, kappinn, bratt105,
kæn at eli rita,
kroka spiot at Kar hefer att,
kan þat hellzt at bita.“

45. Kroka spiotit kappinn greip
Kialas106 ok vermi halla;
þvi næst107 tok hann Solla sveip
ok setti ꜳ ægis hialla.

46. Var sa fus j vopna glam,
vitiar vt at sinne:
„Haleyger munu hreppa skamm
j hvsi vorv jnne.“

47. Gorpum þotti Grettir seinn
ok giora til hvrdar vikia,
þa var las fyrir hvsi hreinn —
„halvrin vill oss svikia.“

7648. Berserkirner brvtvzt vm fast,
bera þeir hugsvn stranga,
hlaupa ꜳ so hvrdin brast,
hægt var vt at ganga.

49. Þat ma verda ytvm angr,
ef þeir lifi hallda;
bratt kemr ꜳ þa berserksgangr,
er brogdvm jllvm vallda.

50. Ganga vt ok grenia vid,
so gall j hafvm fiollvm;
fyst kom Þorir fram ꜳ rid
af felogum sinvm ollum.

51. Þynnill spiot ꜳ Þore rak
þa med skiotum hætti;
oddrinn gengvr aptr vm bak
allt sem krokvm mætti.

52. Þeygi gaf sig Þorir vid,
þann ma hetiu kalla;
oddrinn108 hliop j Ogmunz kvid,
ytar davdir falla.

53. Hlavpa af ridinv hver sem gat
hinir ed eptir voru;
Grettir sotti gorpvm at
ok gaf þeim hoggin storu.

54. Keppa stora kefsar fa,
kvnna hart at reida;
gilliga109 logdv Gretti ꜳ
ok giarna villdv hann meida.

55. Saxi bregdr seggrinn þa,
sotti at þeim lengi;
bitr rett sem brygdi j snia,
baruzt sar ꜳ dreingi.

7756. Berserkena j tvni tuo
tiorgv meidr felldj;
eigi synizt eggin slio,
af þeim hofvdin skelldi.

57. Brognvm rennr benia lvt,
blodgir mega þeir heita;
fiorir kvomv fyrdar vt
ok forv Gretti veita.

58. Holdar syndv hofligt megn,
hlavpa til med skvndan;
þegar Haleygir horfa j gegn,
hrockva hinir vndan.

59. Sefring hoggvr en soknen vex,
særdi hann dreingi hrausta;
Fafnir hafdi þa fellda sex,
flydv hinir til navsta.

60. Grettir110 eptir gengr at meir,
giorir nv sokn at herda;
jnn j navstit allir þeir
undan hrockva verda.

61. Hoggvm mega þeir vixlazt vidvr,
vilian skortir eigj;
ætlig bezt at Balex111 nidr
bedia112 kaupit hneigi113.

1. Bellis strandar þiliv elg
þann114 skal færa ꜳ landa svelg,
eigi er vist hvort vppi flytvr,
ongv trveg hann se nytvr.

782. Gamaned hefir mier gengit nær,
giorezt eg ecki til þess fær
at yrkia neitt vm ꜳgæt fliod;
ellin grandar fleina riod.

3. Eigi er lygi vm andar pin;
ordin verda hverfa115 min,
þegar kemr j gygiar glygg
geira Siofnen hardla dygg.

4. Hitt er meir ad hvgsa ꜳ,
hverfa skal eg þar alldri fra,
heidrs menn mic heldv fyrr,
hrygdar tecur at avka styr.

5. Odrinn fell j fimta sinn,
Fafnir komst j navstid inn;
med arvm vordvzt ytar þa,
eigi gefa þeir hoggin sma.

6. Eyder sotti einn at sex
vndra hraustr nodrv bekx;
halnvm gefa þeir hoggin stor,
hvergi kappinn vndan for.

7. For so enn at fellv tveir
feigir trveg at væri þeiʀ,
fiorir komvzt fyrdar vt;
fa þeir sidar meiri sut.

8. Grettir eftir gavrvm116 renn,
gylfris vill hann rioda tenn;
j kornhloduna komuzt117 tueir,
kappa vo hann med snorpum geir.

9. Eigi matti hann leita leingr
listar madr at bænvm gengr;
so var myrt at mattj þa
meidir rita eckj sia.

7910. Geck at dyrvnvm geira riodr,
garprin var furdv modr;
hvstrven kom þa honvm j gegn,
heilsar118 vpp ꜳ vaskann þegn.

11. „Velkominn skalttv vera med oss,“
veiga taladi þann veg Hnoss,
„er leysti mic fra liotri blygd,
lavna skal eg þat ydr med dygd.“

12. „Misiofn verdr morgvm olld,
mælltir þu annat fyrr j kueld;“
„betre er nv brvda hagvr,“
brosti vid þat ristill fagr.

13. Sidan taladi svanenn gladr:
„sannlega erttv frægdar madr;
ydr skal giorvallt heimillt hier
hvad mier stendr at veita119 þier.“

14. Ganga jnn ok giora sier katt;
garpurinn dreckr fram ꜳ natt;
folkit giorvallt for ok svaf,
fer hann ecki klædvm af.

15. Sidan kom þann sigrar natt,
sendv þeir vm eyna skiott;
ærit kom þar virda val,
vikinganna leita skal.

16. Fundu þa vid folldar bein,
fengit hofdv davdans mein;
Ofnir ravd so vnda kolf,
alla hefir hann fellda tolf.

17. Færdu bvrt j flædi vrd,
frægdin hans uar uida spurd,
berserkianna bolvod hræ;
bolit þeira er allt vid sæ.

8018. Halrinn sat þar hvstrv nærr,
hvn var so vid garpinn kær;
allvel mvn honum lavnad lid,
lydrinn þotti kiorinn j frid.

19. Þad skal seia Þorfinni af,
þegnvm veitti hann Idia skraf;
þegar at veizlan virdvm leid,
vendi hann vt ꜳ sina skeid.

20. Seggir drogv segl vid ra,
sigldv þegar sem skiotaz ma;
byrdingrinn vm brattan geim,
bar þa skiott at navstvm heim.

21. Þorfinnr geck þegar ꜳ land,
þegninn sier hvar liggvr ꜳ sand
hans ed goda hefladyr,
hetian upp at naustvm snyr.

22. Bondin kendi brædra skip,
bratt var hann med reidi svip,
angvrit beit ꜳ avdar lvnd,
ecki feck hann talad vm stund.

23. Þorfinnr kvat visa von —
„ver hofvm fengit ærna sman,
berserkir hafa blygdad vif,
betra væri at missa lif.

24. Helldr var nv heima fatt,
hygg eg þeim se eigi katt;
Grettir mvn þeim litit lid
leggia, þyrfti mikit120 vid.“

25. Hvstru skal þar121 herma fra,
hvn vill ofan til strandar ga;
Drakon hefir þat dvalit vm stund,
drosin talar vid avdar lvnd.

8126. „Listar rnadrenn leyfdv oss
lesti at finna stala foss;
hans122 mvn sefi ꜳ hringa brv;“
hetian bad hana rada nv.

27. Holdar fara med hringa Na
ok hennar dottir ofan at sia;
þegar at bondinn brvdi leit,
þa blidkazt hann j sinnv reit123.

28. Þat ma kalla fagna fvnd,
folkit settiz nidr ꜳ grvnd;
seima skord med sæmdar plag
sagdi allt af þeira hag.

29. „Gretti eigum giallda bezt,
garprinn lattv ei ꜳ frest,
heidra þann ed uigvm velldr;
veitazt skal honvm flædar elldr.“

30. Fretti þann, er skiolldv skar,
skikkiv Bil hvar Grettir var;
„kempan heima124 j kyrdvm sitr,
kappinn er sia snar ok vitr.“

31. Gengv j stofvna garpr ok snot,
Grettir vikur þeim j mot125,
bondinn fagnar byti stals,
blidlega toc hann þa til mals.

32. „Alldre fær eg þakkad126 þier
þessa dygd, þv syndir mier,
nema þv þyrttir virda vid,
veita skal eg þier travst ok lid.“

8233. Þorfinnj var þegninn kærstur,
þvi hann sat jafnan bonda næstr;
þetta vida flygr ok fer,
hver frægdar madr at Grettir er.

34. Enn þa vtj er orma127 strid,
Ofni spurdi kempan frid:
„hvad vill reckrenn rada128 sin,
til reidv skal þier vmsia min.“

35. Seggrinn kvad þad þat sina lyst
at sigla nordr j Voga fyst —
„hingat skal eg þegar havstar at“;
hinn kvad honum til reidv þat.

36. Segnvm feck hann silfr j nog,
sa var kæn vid fleina rog,
saxit goda Sefring gaf;
sidan letv þeir j haf.

37. Reckar letv Ranar hvnd
renna nordr vm sildar grvnd;
virdar koma j Voga vm dag,
var þar halldit stefnv lag.

38. Þar ma lita margan mann,
mvgrinn kemr ok Gretti fann;
firi þan sigur at segurinn vann
sveitir allar tigna hann.

39. Rikir menn bvdv reknvm heim,
rezt hann ecki j ferd med þeim,
segrinn villdi svdr j land,
sa var kænn vid ritar grand.

40. I byrding einvm feck hann far;
fvrdv rikr Þorkell var,
þegninn attj þetta fley,
þann var fyrr j geira þey.

8341. A Halvgalandi halvren sat,
hvorke spardi hann ol ne mat;
j Saltre hiet þar bondinn bio,
bygdin stendr næri sio.

42. Grettir for med garpnvm heim,
giordizt helldr kært med þeim;
dreingrinn beiddi Drakon bratt
dueliazt hia sier vintrar natt.

43. Þaʀ var Grettir þessa navd
þiottv bavgs, sem reckvrinn bavd;
sæmelega at segginn helldur,
sveitum veittizt Feniv melldr.

44. Biorn hiet sa med bonda var,
beslu hafdi fæddan mar,
garpurinn var af godri ætt,
gat hann þo opt vid lydi þrætt.

45. Þorkell studdi þegnsins heidr,
þo var hann af morgvm leidr;
Ofni tok at ofunda fast,
ollum veitti hann nockornn last.

46. Giordi hann vti glavm vm nætvr,
gvnnar fa þess aungvar bætr;
eru þar margir vngir menn,
allir fylgia Birni enn.

47. Harkit þeira heyrdi ok kall
hardla uitt vm grund ok fiall;
hidbiorn nockvr vaknar vid,
veita mvn þeim litinn frjd.

48. Bessi vida vm bygdir for,
brognvm veitti hann meizlin stor,
so er hann ordinn olmr og ær,
engi þordi at koma þar næʀ.

8449. Ufr129 deyddj yta ok hiord,
eigi var þat haglig giord
at hleypa honum vr hidi ꜳ bvrt,
Haleygirner fa þat spurt.

50. Þorkels rifr besse bv,
byrgingin var eigi trv,
noga feck hann Niardar kvon,
næsta mvn þess þickia von.

51. Þorkell leitar bessa bols,
briotar fvndv nodrv stols
hellis skvta homrvm j;
hvergi er gott at sækia at þvi.

52. Einstigi var vpp at ga,
ærit hatt var nidr at sia130,
vrdin var þar undir stor,
ofært131 þotti malma Þor.

53. Isolfr la jnne vm dag,
optazt var þat dyrsens hag,
at hallda bvrt þegar kvelldit132 kemr,
kvikfe mart til davda133 lemvr134.

54. Þorkell feck af meinit mest,
marger reikna hann harka gest;
kotvngar jlla kæra þa,
kappinn Grettir þagdi hia.

55. „Bragnar skylldv bera sic vel,“
Biorn kvad radit jfing135 hel,
„ydvar verdr fliotr fridr,
fyst vid nafnar eigvzt vidr.“

8556. Ofnir brosti at ordvm rekx;
ætlig bezt at lidi136 Þekx
tanna byrgis Tifr ok Nil,
taki vit henni hver sem vil.

1. Nu skal midivngs mæfils hestinn monnum færa;
seggivm vex þeim sorgar snæra,
er svinna giorir sier ivnfru kæra.

2. Sefanvm kvnnj saman at vikia sagnar þel,
ongvm dvger vonzlig vel,
þo verdi dvld vm nockvt mel.

3. Hvarf eg fra þar dreingir giordv vm dyr at ræda,
ytar137 tocu ecka138 at græda,
eigi lagdizt Biorn til klæda.

4. Hvarf hann bvrt, þa bragnar giordv yfir bord at sitia;
niotur giordi139 nodrv fitia
nafna sins til bygda at vitia.

5. Legst vid hidit hiorva lvndr hvldr skilldi;
þannig fraeg at140 garpurinn gilldj
giarna besting svikia villdj.

6. Let þa helldr litit yfir sier lestir branda;
ætlar Biorn þa bessa at granda,
bvrtv fer hann eftir vanda.

7. Mosmi vissi at miog so var honum madrinn næri;
sa mvn kvnna at sia sier færi,
sofnadr fra eg at kappinn væri.

8. Rattj nam at rena vt at reyni branda,
hnyckir af honum Hrungnis granda,
hinn red141 þegar ꜳ fætr142 at standa.

869. Skiolldrinn hravt firi biargit breitt at brottum ægi;
setti vndan143 seggrinn slæge
sveini trveg at hræzlann bægi144.

10. Avlar heim med jllan leik til yta sinna;
bragnar giordv berv at finna,
brosat var at honum eigi þess minna.

11. Bondinn Þorkell byr sig til nv bessa at vinna,
atta voru holda hinna;
hafa þeir allir benia linna.

12. Biorn ok Grettir badir fylgia brodda stridi145;
bragnar sottv at brvsa hidi,
bessa trveg at litit svidi.

13. Kapv af sier lagde Linnj er146 leidvr er flotti,
medan at dreingrinn dyrit sotti,
drivgvm stod þvi af honum ottj.

14. Ongvm kom þar vopnvm vid147 nema vænvm spiotvm;
jlla soktezt avdar niotvm,
af sier lavst hann þav med fotvm.

15. Yta tok at eggia Biorn sem odr væri:
„eigi fa bragnar betra færi“,
bessa kom hann þo hvergi nære.

16. Felldi Grettis feck hann nad ok fleygdi af hendi,
halvrinn mitt j hidit sende,
hlackar var sa gyrdvr vendj.

17. Ytar fengv eigi sigrat urinn lagda,
briotar munv þvi fiornis flagda
fleire verda at leita bragda.

8718. Fafnir misti felldar sins en fremdar blidi,
Linnj sier hann ligia j hidi,
lek þa at honum biornen stridi.

19. „Hver hefir gædir glezt vid mic148 grimnes versa,
feldi minvm fleygt til bessa?
furdv litit kemr til þessa.“

20. Svaradi Biorn, ed sialldan þotti j sognum bæta:
„eigi nennj eg þessa at þræta,
þv villdir ecki at honum gæta.“

21. Bradla giordv bragnar heim til bæiar herda,
Ofnir nam þa eptir verda,
vfa mvn sa vilia skerda.

22. Þegar at eigi lydi litr lestir randa,
skioma bregdr skyfir branda,
skal nv kostr at neyta handa.

23. Einstigit red vpp at ganga eydir menia;
briotr heyrdj birte fenia,
bessi toc so hatt at grenia.

24. Hvninn giorir med heipt ok ædi hlavpa at Gretti,
hoggit þegar med hramnum setti,
hinn j moti sverdit rettj.

25. Hrottin skyfdi hramen bvrt af hidis tiggia,
sanlega hlavt hann sar at þiggia,
hann sa nv klær ꜳ jordv liggia.

26. Ofnir hleypr149 fress j fang med feiknar ædi,
travstvm fra eg hann tocvnvm nædi,
tok hann hỏndvm eyrvn bædi.

27. Hellt hann af sier bessa j bravt ed bita villdi,
vopna lvndr, vanr vid hilldi,
veit nv ei hvad breda skilldi.

28. Dyrit hratt þeim fvrdv fast er framdi dadir,
hropvdv þeir firi biargit badir,
bodnar voru þeim litlar nadir.

8829. Ofnir verdr efri enn er vrdv mæta,
saxit mvn firi segnvm bæta,
sveigir bra þvi150 orma stræta.

30. Sidan skavt hann birnj j briost þvi bryniv flagdi,
dyrit hitti dauda at bragdi,
dreingrenn yfir sig felldin lagdi.

31. Hirdir giordi heim at ganga hravnþveings151 fitia
dreinger þa yfir dryckiv sitia,
Drakon giordi j stofv vitia.

32. Geck firi bord þar gvnnar satv garpvrinn vitri,
fyrdar hlogv at felldar slitri,
fellir heck ꜳ linda en bitri.

33. Legr ꜳ bord þat burtv skyfdi berv af fæti,
brosti vid þat bondinn mæti,
byti hann jafnan orma strætj.

34. „Hvar er nv Biorn,“ ed briotr sagdi biartra rita152,
„ei153 sa eg þier so eggiar bita,
ecki skalttv Gretti vita.

35. Gior þv helldr Gretti sæmd firi gletni slika“;
veitir svaradi Vidris brika:
„ver skulum honum sidar lika.“

36. Dreingrenn talar vid Drakon þat af dreingskap sinvm:
„hialpa skal eg heidri þinvm,
hefnst þv eigi ꜳ frænda minvm.

37. Manngiolldvm skal eg mjdla þier moens af granda,
sættin mættj sidan standa154,
segginn villdig forda vanda.“

8938. „I betra stad ma bondin rackur byta avdi,“
svaradi Biorn en sæmdar snavdi,
„sarlega fer þa pengurinn ravdj.

39. Fyrri skulv vit folldar vagna fleina rioda,
ecki skal honvm annat bioda,“
ytir sagdi barv gloda155.

40. Grettir tok at glotta vid hvat garpurinn mælti,
þeim kan bita broddrinn stællti;
Biorn at sonnv heimskan vælltj.

41. „Ofnir giordv eigi angr jllzkv fvsvm,
medan þit erut j minvm hvsvm;
miodrinn skal þier veittvr af krvsvm.“

42. Þessu villdi þegninn jata Þvndi skiallda;
ordin mvn hann allvel hallda,
„enn ma þetta sidar giallda.“

43. Hinn kvezt eigi firi halnvm skylldv hræddr verda:
„þottv leyfir greidi gerda,
ganga ætla eg minna ferda.“

44. Vorit kemr ok villdi Nadr til Uoga hallda;
bordvm þvær hin bleika allda,
barur kvnnv hvitt at fallda.

45. Weitir dvelst j Vogum nordvr Vignis roma;
kempann hitti kappa froma,
er156 kvnnv honvm at veita soma.

46. Sidan villdi hann sudr j land sem sagt mvn verda;
byrdingvrinn var157 bvinn til ferda,
byren tok þa streingi at herda.

47. Kỏppum veitir158 kolgv brima kempan Linne;
gavnsvdr var greitt j sinni,
geck þvi svdr vm Þrandheims minne.

9048. Gvmnar hittv159 gỏda hofn160, j Golltum heitir;
ꜳ landit ganga lyda sveitir,
lofdar voru allir teitir.

49. Kappar lita kaupskip eitt þar koma at landi,
vindrinn hvass er vodir þandi,
virdar huldv flein j sandi.

50. Fyrdar stiga fyst ꜳ land sem frettizt þadra,
holdar barv hialm161 ok nadra;
hvorir fraeg at kvoddv adra.

51. Þegnen litr at162 þar var Biorn j þeira flocki,
eigj þotti hann allra bocki,
engvm var þo ꜳ honum þocki.

52. Grettir talar til Biarnar bratt: „vid bvvzt til viga,
hvor skal ockar annar hniga,
eigi lattv a deigan siga.“

53. Biorn kvezt helldr bæta mundv breytni sina;
segrinn toc þa sakir at tina:
„sæmd vil eg nv avnga þina.

54. Gunnar hafa eigi glezt vid mic,“ er Grettir sagdi,
„bita skal nv bryniv flagdi“;
Biorn toc vopn at skommv bragdi.

55. Sidan hlaupazt seggir at ok sverdin reida;
þvrpti hogga eigi at beida,
hiorinn toc þa Biorn at meida.

56. Halrinn fær þa hættlig sar a hverrj stvndv;
blodi raudv beniar hrvndv,
Biorn hne davdr nidr at grvndv.

57. Sueigir for þa sudr a Mæri sefrings163 landa,
Þorfine kom þegar til handa,
þydliga tok hann eydi branda.

9158. Veitir sagdi Uidris tiallda vigit Biarnar,
fleygir svaradi fofnis tiarnar:
„fylgi skal eg þier veita giarna.

59. Hvergi skil eg vid hlackar barv hlioda sendi164
en þo fyrdar fleinen sendi,
fyrr en malin ganga af hendi.“

60. Nytr sat þa Noregs vordr nordr j landi,
hann var milldr moens af sandi;
morgum var þo fyr at grandi.

61. Stillir sat þar stolltr ok rikr er Steinker heitir,
jallinn Sveinn at brandi beitir,
blidliga hellt hann sinar sveitir.

62. Hallda gerdi hilmir ricur hirdmann þenna,
Hiarranda mega holdar kenna,
hann vill alldri vr stridi renna.

63. Fyrdvm þotti hann furdv giarn ꜳ frænings slodir165,
Hiarandi var Biarnar brodir,
barmar þottv eigi goder.

64. Þorfine giorir þengill bod er þegnin helldr,
at koma til sin, þann vigvm velldr,
visliga trvig at einn hver gelldr.

65. Þegnar koma ꜳ fylkis166 fvnd med frækna dreingi;
hristir svndr hlioda streingi,
hygg eg þa fai bætta engi.

1. Vjgnis ork af vizkv mork
villdig gvnnvm færa,
giorizt obeint ok gengr seint
Glapsvids farm167 at næra.

922. Mansongs hatt vm menia gatt
ma eg nv eckj smida,
j siafna korn at setti norn
sorgar pilu strida.

3. Hvad mvn Baldur, hniginn j alldr,
hraunþveings168 granda lioda
mansongs ord vm menia skord
vid169 meistara væna ok froda?

4. Brast þar odr bondinn godr
badir saman ok Linne
hittv jall, en hravnþveings pall
holdar budv at sinne.

5. Stefnv dag vid stolltan plag
stiller fraeg vid lagdi;
Hiarandi var med hilme þar,
hardliga fraeg at sagdi.

6. Sa vill eigi ok sagdi nei
sættir neinar þiggia:
„hann skal fyrr enn heptizt styr
j heliv verda at ligia.“

7. Af stefnv gengr en sterki dreingr,
stridi mvn sa vallda;
þegninn170 væn firi Þorfinz bæn
þa skal landz vist hallda.

8. Arnbiorn skal med jtrvm hal
vti jafnan vikia, —
„Hiarandi mun sem hef eg ꜳ grvn
hreysti mannen svikia.“

9. Gengv þeir firi gardz hlid tveir
garpar vti vm strætj;
af holdvm sex, en hridin vex,
hoggvm trveg þeir mætj.

9310. Giordi fyrr, sa girntizt styr,
Grettir jafnan ganga;
Arnbiorn hratt, ok er þat satt,
yti fra sier spanga.

11. Hiarandi nam hlaupa fram171
ok hoggva j stad til Linna;
ꜳ herdar blad kom hogid þad,
hlaut hann sar at finna.

12. Unda gridr eigi sidr
ofan j strætit rendj;
saxi brꜳ þann sarit ꜳ,
sidan aptr vendi.

13. Hoggʀ bratt vid hreysti matt
hond af jallzens172 þegni,
bragna sueit med bryniv þueit
borduz þegar af megni.

14. Grettir lætr gvnna mætr
Gillings balit kenna,
Arnbiorn en ok jtri seggr,
ox þa geira senna.

15. Fellv a stord vid fleina mord
fiorar jallsens kempur;
ritin brast enn bvkrin skarst,
bilvdv Sorla hempur.

16. Hinn fimti var sa brandin bar
Biarnar lifre en sterki;
dreingrinn frægr dyr ok slægr
davdans feck hann merki.

17. Hinn settj173 rann ok siola fann
sveigir hlvnna174 dyra,
giordi þann enn gilldi mann
giorvallt honum at skyra.

9418. Reidin svall firi recka fall
rikvm styri ylgia,
setti þing en sæmd var kring,
seggir þangad fylgia.

19. Millding175 vikr ꜳ motit rikr,
malin gervoll setti,
tiorgu meidr taladi reidr
truliga vpp ꜳ Gretti.

20. „Minar hendr, malmr er sendr,
millding, attig veria;
feck eg sar,“ kvad fvrdv knar
fleygir þynnils skeria.

21. „Illa var,“ kuad audling snar,
„eigi fecttv davda,
lydrinn gelldr ef lifi helldr
lester gullsins ravda.“

22. Karson176 bydr kæn ok þydur
kolgv bal firi Linna
ꜳ jallsins dom, en olldin from
oll toc honum at sinna177.

23. War þar mann, er Vidris kann
vidiss brodur hvessa,
odling medr, vlfa sedr,
ytar kalla Bessa.

24. Þegnsins mædr modv glædr
morgvm gerdi at veita,
skikkiv jord med skialleg ord
Skalldtorfa nam heita.

25. Þegninn ste firi þeingils hne,
þydr og kæn j mali:
„veit þeim grid ok fvllan frid,
fyrda vo med stali.“

9526. „I Tvnsbergi sitr trvr ok vitvr,“
tiggi red þat sanna,
„bondi ein er beitir flein,
brodir þessara manna.

27. Gunnar vill ok get eg þess til
gilldra brædra hefna.“
Þangad avstr þeingill travstr
þegnvm giordi at stefna.

28. „At svmri skal eg med seggia val
sitia Tvns j bergi,
dreingir þa,“ kvad dogling sa,
„dragi sic vndan hvergi.“

29. Giordu178 þad sem gramson bad,
garpar austr179 vitia;
j kaupstad þeim med kolgu eim
kappar giordv at sitia.

30. Linne fann þar listar mann,
lifra sinn en snialla;
gard einn helldr eʀ gæfv velldr;
garpar Dromvnd kalla.

31. Hetian bavd þa heidvr ok avd
hoskvm brodr sinvm,
„sit hia mjer,“ kvad sverda greʀ,
„sinna eg malvm þinum.“

32. Karson kæn badi vitr ok væn
sitr j Þosteins gardi,
bondi slikr brognvm ricvr
bioriɴ eigj spardi.

33. Ofnir snarr180 var vm sig varr,
ytar giordv honum sinna;
ætla þeir med gylldan geir
Gunnar vili hann finna.

9634. Einn hvern dag med æru plag
Avglir181 sitr at drecka,
j kaupmanz bud er kempan prud,
katur var vid recka.

35. Hinn kom gnyr at hetian dyr
hliop til vopna sinna,
hnvit var fast enn hvrdin brast,
hark var ecki at minna.

36. Hlvpu þar jnn med hiallta linn
holdar fvrdv storir,
Giuka falld med Grimnis tialld
garpar barv fiorir.

37. Sottu bratt ok syndv matt
seggir fast at Linna,
Gunnar var firi gunum þar,
Gretti vill hann finna.

38. Kolbaks jord at kempan hord
kænliga firi sic setti;
saxi helldr, sveitin gelldr,
sottv þeir at Gretti.

39. Hetian kemr sa hreysti fremr
hoggi ꜳ kempu eina,
skipti j sundr Skilfings tundr
skyfi biartra fleina.

40. Anar feck sa at honum geck
eigi minni skeinu;
heila borg ok hyggiv torg
hiorinn sneid j einu.

41. Gunars sveinn var eptir einn,
vt hliop sa firi Gretti,
þann la flatr til frægda latr,
fætr j þroskolld setti.

9742. Leggr fast, en lindin brast,
lestir orma sveita;
Gvnnar vill þvi giolld eru jll
giarna vndan leita.

43. Hilldar sky firi hyggivby
helldr hondvm badvm,
hopar sa vt ed hrepti svt,
hann mvn firdr nadum.

44. Ofnir hio, sa unda sio
ytvm vekia kvnnj,
badar hendr bolvi vendr
bvrt af viga rvni.

45. Fliott ꜳ bak vid fleina skak
falla trveg hann verda,
anat slag gaf enda dag
eydi væna gerda.

46. Fretti jall at fleinnenn gall,
fyrdar drepnir voru,
þa vard reidr randa meidr
rett so gegnde storv.

47. Þingit setr enn sætta letr
sioli Noregs grvndar182,
Fofnir kemr, er fiornj lemr,
fliott til þessa fundar.

48. Fylgir enn vit frækna menn
frægr Karson Linna;
Þosteins sveit at þeingill leit,
þeir bera skiolldv stinna.

49. Bryniv rock ok bragna flock
Bessi hafdi at rada,
allir þeir vid gilldan geir
Gretti villdu nada.

9850. Svarangs rom a siklings dom
seggir bioda sniallir,
ef fengizt grid firi vopna vid,
være sattir aller.

51. Avngvar bætr bvdlvng mætvr
af brognvm villdi þiggia,
Drakon skal firi dyrum hal
daudr a velli liggia.

52. „Þioti lvdr þengils prvdr,
þegnar bvizt183 at kifa;
eg skal nv med avglis brv
engvm þeira hlifa.“

53. „Wile þieʀ þad,“ er Karson kvad,
„kappar riodi geira,
Avglis lif vid orfa drif
ydr skal kosta meira.“

54. Skilduz at en skrifat er þat
skatnar Dromund fylgia,
bivgvzt vit en lofdvngs lid
leitadi fædi ylgia.

55. Fystr stod af frægrj þiod
fleygir orma sveita,
Gretti næstr Karson kærstr
kunnj sverdi at beita.

56. Grettis brædr gilldr ok skædr
giorir þeim næʀ at standa,
Bessi var med brognvm þar
buinn til fota ok handa.

57. Kemr þar fliott184 en frida drott
fram med jallsens merki,
firi hlidinv stod med Gillings glod
Grettir fystr enn sterkj.

9958. Almrinn gall, en jtre jall
vit yta taladi frida:
„gefit vpp þann er vigin vann,
ver skulum ella strida.“

59. Þostejnn kvad at185 þeingill þad
þiggia mundi valla —
„vopna hrid þo verdi strid,
virdar hliota at falla.“

60. „Hvat skal þier,“ ed þengill tier,
„Þosteinn Gretti at veita,
oss j mot vid eggia rot
Oska rodli at beita?“

61. „Brodr minn186 med benia linn
bragnar mega hann kalla;
herra merkvr, hardla sterkr,
heiptir lattv falla.

62. Taki þier bot firi bavga niot
ok berivzt eigi vit tiggia“;
j annann stad at Bessi bad
bvdlvng sættir þiggia.

63. Sveitin hvetr, þvi so var betvr,
sættir mætti verda —
„sizt er bot vid sina drott
sverda leik at herda.“

64. Jallin veit firi virda187 heit
var þat meiri somi;
vard188 þa sætt, enn vigin bætt
visi jotna romj.

65. Þo var fatt vm þessa189 satt,
þanenn fra eg þa skilia;
gofvgr jall firi gvnna spiall
geck fra sinvm vilia.

10066. Karson snyr ꜳ kolgv dyr,
knvdi ꜳ bordvm allda;
Grettir for med geira Þor,
giora þeir heim at190 hallda.

67. Karson feck, þar frettin geck,
frægd af þessv sanna
firi þad lid, hann ueitti vid
uoskum birti hranna.

68. Bauga Tyr vill blidvr ok skyr
bratt til Islandz vitia;
Þorfinnr gaf Þiassa skraf
Þvndi nodru fitia.

69. Kallmanz brogd eru kvnn ok sogd,
kappinn bar yfir alla;
heim til Biargs kom brædir vargs.
Bragr skal þannig falla.